#هُدار_تعزي : موو نزلتو الحوثي لتعز

قولي موو نزلتو الحوثي لتعز ..؟

وانت يا صاحبي مو طلعك لصنعاء وذمار ومارب وصعدة وعمران …!
كلنا يمنيين مالك من هذا الهدار المناطقي وبعدين قولي وبطلك المغالطة
مو جاب امة الاسرائيلي والجنجويدي والبلاك ووتر والبنجلادشي والاماراتي والسعودي وكل مرتزقة العالم مو جابهم الى تعز ..؟
الجزائري التكفيري الذي قتل امس بتعز مو جابه الى تعز جاء يدور الوريثة حقه .
مو جاب التكفيرين من كل بقاع العالم الى تعز ..؟
كم قد قتلت قيادات تكفيرية داخل تعز من جنسيات مختلفة مو جابهم لداخل تعز ؟
مو جاب ابتهم؟
مصدق حالك انهم جاو علشانك وعلشان شرعيتك الزائفة وانت متأكد اكثر من اي وقت مضى انه ما بوش شرعية وإنه عنوان لتمزيقنا وتفتيتنا وتدميرنا يروجه من باعوا تعز وابناء تعز ومن باعوا اليمن باسره
وبسالك بالله وانت عارف الاجابة المناطق التي كان يتواجد فيها الحوثي ماكنتش تنعم بالأمان والاستقرار وبعدما دخلتها #المقاولة حقك حتى الشباشب وسيفونات الحمامات لم تسلم منهم
وكل يوم يحرروا كمبة كهرباء مدري مولد كهربائي مدري محلات تجارية كل يوم نهب وقتل
كم من بيت يا صاحبي قد سرقت… كم من مؤسسة تابعة للدولة قد نهبت ..كم من نفس قد قتلت ؟
ومنمن مش من اولئك الذين قالوا مو نزل الحوثي لتعز وهم من ذبح تعز ونهب تعز وقتل أبناء تعز ؟
والحوثي منهو مشهو ابن ديني وابن وطني والذي اغلب ابناء تعز تجار وغيرهم هربوا للمناطق التي يتواجد فيها الحوثي لانهم لقوا الامان عنده ما لقونش عند من باعوا تعز
لتقوليش مو نزل الحوثي لتعز هو بالأخير يمني وكثير منهم من ابناء تعز ضد العدوان , بس قولي مو جاب ابو الاسرائيلي والسوداني والمصري والافغاني والاماراتي والسعودي وغيرهم مو جابهم الى تعز .؟

#نحو_جبهاتنا_وفاء_لشهدائنا
#انفروا_خفافا_وثقالا
أشترك على قناة أخبار تعز للتلغرام وكن أول من يعلم الخبر فور حدوثه انقر هنا✅