هُدار تعزي…تعز تتحرر من الأمان والاستقرار يا حبيب عمك

تعز تتحرر ..من الأمان والاستقرار يا حبيب عمك

مو تعمل يا ابن أخي ..؟
جالس أقراء الأخبار يقولوا تعز تتحرر .
لا تصدقش أبتهم لهم ثلاث سنين يقولوا نفس الخبر …لاهم مبلطين أفاتهم قد وصلوا صنعاء
وبعدين من ايش تتحرر ..تتحرر من عياله .
سيبنا عدونا الحقيقي وجالسين نتقاتل فيما بيننا البين .. على ابتهم لعنة الله

منو ياعم عدونا الحقيقي؟
وهل غيري السعودية بنت الكلب .
.يا حبيب قلب عمك تحسب السعودية والا الإمارات تحب اليمن أو تحب تعز
لا يا ابن أخي هم يكرهوا اليمن
و عادو اكثر شيء يكرهنوا باليمن هي تعز
يا حبيب قلب عمك الذي ما نداش للفلسطيني طلقة رصاصة يدافع به عن نفسه لا تصدق ابوه انه شجي يدافع عليك ولا شتحرك من سبك … بس زادوا علينا يا ابن اخي وخلو نحنا نتقاتل فيما بيننا البين ومعنا شوية كلاب باعوا تعز وباعوا اليمن بالرخيص.
منهم ياعم الذي باعوا تعز ..؟
الذي قال شحرر تعز وراح حرر شارع في اسطنبول وعملو قرية سياحية ومطعم سياحي
والذي قال شحرر تعز وراح يتحرر بفنادق الرياض يمكني كبسات واصحاب تعز وغيرهم ياكلوا من براميل القمامة
الذي قال شحرر تعز و بوس ركب ابن سلمان وابن نهيان ورجع مثل الصندل تحت ارجلهم
من هل غيرهم يأبن اخي الذي ضيع اليمن وضيع تعز غير الكلاب الى خانوا وتخبوا خلف شيء اسمه مقاومة وهم شوية بياعين
وبعدىن من مووو نحررها ,كان الصدق نروح نقاتل هذا العدو بجيزان ونجران وعسير ونحرر ارضنا لكن الآية انقلب وقلبونحنا معاها وزادوا علينا بكم كلمة طائفية وكم كلمة مناطقية والهوبل صدقوهم وراحوا معاهم منهو ابو خمسمائة سعودي ومنهم من صدق الهدار حقهم وكثير منهم جابوهم من خارج تعز
يعني اشتي اقولك ياأبني يمكن تفهم ، الحمدي كان حوثي والا عفاشي ..؟
و لا واحد منهم يا عم .
طيب خلاص هم عدوهم اليمن ..الحمدي يمني في الاخير والبنية التحية التى تدمر اليوم هي بالأخير حقنا نحنا الشعب مش حق الحوثي ولاحق عفاش والذي يقتلوا اليوم هم يمنيين أطفال وحريم وشباب وعجيز كلهم يمنيين .
والحوثي اليوم يدافع عن سيادة البلد وكرامة الشعب هذا اذا أجيت للصدق واذا ما تصدقش الان وتأخذ موقف
باكر بيحولوا تعز لمستنقع مثلما عدن ويقولوا لك ان ابن سلمان وابن زايد من قادة السنة وقائد السنة الاول بنيامين نتنياهو و غصبا عن ابوك عليك تصدق وشتمشي بعدهم …لا تستغربش مادام نحنا قبلنا على انفسنا انحنا نكون هُبل اليوم ….بكرة شقلبونحنا مداعس هذم أعداء اليمن من قبل جد جدي وهمهم كيف يدمورنحنا ويمزقونحنا
وهههههه وجاء يقولي تعز تتحرر ,تتحرر من عياله وتتحرر من الأمن والاستقرار
لا الحقهم خير من باع تعز وخان تعز وخان اليمن بكله

#نحو_جبهاتنا_وفاء_لشهدائنا
#انفروا_خفافا_وثقالا

أشترك على قناة أخبار تعز للتلغرام وكن أول من يعلم الخبر فور حدوثه انقر هنا✅